Xacobeo Galicia
A creación do equipo profesional galego Xacobeo Galicia xorde do empeño da Consellería de Cultura e Deporte en dar resposta a unha demanda longamente ansiada pola sociedade galega e, en particular, polo amplo e recoñecido mundo do ciclismo galego, de longa traxectoria que fixa os seus comezos nos finais do século XIX.
O equipo, denominado inicialmente Karpin Galicia, tivo a súa primeira confirmación pública o 29 de maio 2006 no Centro Galego de Arte Contemporánea (CGAC). Nese acto anunciouse non só o compromiso por parte da Consellería de Cultura e Deporte da Xunta de Galicia de levar a diante o ilusiónante proxecto, senón que tamén se presentou o seu director deportivo, Álvaro Pino.
O 26 de agosto de 2008 ten lugar a incorporación como patrocinador da Sociedade Anónima de Xestión do Plan Xacobeo para a Vuelta Ciclista a España 2008 e ata pechar a tempada. Trátase dun patrocinio publicitario derivado da excelente tempada do equipo ciclista profesional galego.
Entre outros, son obxectivos do Xacobeo Galicia:
- Dar unha oportunidade aos ciclistas galegos para continuar a súa traxectoria deportiva en Galicia ao máximo nivel.
- Ser un referente para os ciclistas que comezan a súa carreira e para o ciclismo de base.
- Converterse nun estímulo á práctica deportiva entre a xuventude.
- Ser referente dun novo deporte galego polo mundo adiante.
Imprimir Enviar
